الرئيسيةالبوابهاليوميةس .و .جالأعضاءالمجموعاتالتسجيلدخول

شاطر | 
 

 رمضان بالله لا تضيعوه بالقهوة و السهر

اذهب الى الأسفل 
كاتب الموضوعرسالة
dridi

عضـــــو جديـــــــد


عضـــــو جديـــــــد


نقاطي : 15315
سمعتي : 10
تاريخ التسجيل : 13/08/2010

مُساهمةموضوع: رمضان بالله لا تضيعوه بالقهوة و السهر   الجمعة أغسطس 13, 2010 4:46 am




بسم الله و الحمد لله و الصلاة و السلام على سيدنا رسول الله و على آله و صحبه و من ولاه ،

ربنا لا تزغ قلوبنا بعد إذ هديتنا و هب لنا من لدنك رحمةإنك أنت الوهاب ، ربنا إنك جامع الناس ليوم لا ريب فيه ، إن الله لا يخلف الميعاد،

إخوة الإسلام ، هاقد أظلنا شهر عظيم و بدأنا و لله الحمد و المنة في صيام أيامه و قيام لياليه ، نرجو رحمة الله و عفوه و غفرانه .. أش كون منا ما أذنبش و ما عملش الخطايا في حياتو و في سائر أيامو .. اللي ما عمل برشا عمل شويا ، و ربي الغفور الرحيم عمللنا محطات ، يذكرنا فيها بأيام الله .. فرصة لينا باش نتوبو و نرجعو للطريق المستقيم .. ربي يقولك ، ماك غلطت و مشيت في طريق الشيطان و تبعت الصحاب الفاسدين و تبعت الشهوات ...ميسالش هاو فرصة جديدة باش ترجع لطريق الجادة و ترجع للطريق المستقيم .. هاو فرصة باش تفسخ كل شيء و ترجع من الأول و جديد ، إنسان جديد نظيف ..

سيدنا محمد عليه الصلاة و السلام يقول : "إذا جاء رمضان ، فُتّحت أبواب الجنان و غُلّقت أبواب جهنم و صُفّدت الشياطين" أش أكثر من ها الخير الكل ، صحيح أحنا حاجات كيف ما هكا ما نجموش نشوفها و لكن نأمنو بيها ، نأمنو اللي الشهر هذا هو شهر الخير و البركة ، شهر الرحمة ..ربي سبحانو قاللنا راني حليتلكم أبواب الجنان .. السؤال اللي لازمنا نقولوه ، آاه؟ أحنا أش عملنا باش نستحقو ها الجنان هاذي ؟؟ أش عملنا باش نهار آخر ننعمو في الجنان و ننجاو من عذاب النار ؟ بدّلناش رواحنا ؟ عملانش مجهود و لو صغير باش نرجعو لطريق الجادة ؟ وقفناش و فكرنا لحظة ..في ها الدنيا الفانية الفارغة .. و في المصير اللي يستنى فينا من بعد ..
سيدنا النبي عليه الصلاة و السلام يقول فيما يقول إنو عملو ما يوصلوش للجنة لولا أن يتغمده الله برحمته ! و أحنا مالا أش نقولو ؟؟ هاو عنا ها المناسبات هاذي باش نرقعو راوحنا .. سيدي النبي الذي غفر له ما تقدم من ذنبه و ما تأخر كان يصوم و يقول ليل رمضان و يجتهد في الطاعات .. و أحنا وين من هذا الكل ؟؟؟

باش ربي يغفرلنا و يرحمنا ؟
بالسهرية في القهاوي للصباح و الرامي و القمار يخبط ؟
بالغش في البيعان و الزيادة في الأسوام ؟؟
بالكفر و السبان في أقل عركة و غش؟؟
بالنوم نهار كامل و لا صلاة لا عبادة و قال شنوة أحمد ربي هاني صايم ؟؟ هاذا رمضان بالنسبة لينا ؟؟ مسلسلات و رويق بارد و ترنديف عل البحر ؟؟

تمشي للجامع ما توصل الركعة الثامنة في التراويح إلا و شطر الجامع فرغ !! علاش ، بجاه ربي لشنوة .؟؟؟ لطرح شكبة في القهوة ؟ نهار آخر هذا اللي باش يدخلك الجنة ؟؟هذا اللي باش تقابل وجه مولاك ؟ هذا للي باش تكلم بيه سيدنا محمد ؟؟
ما قلناش ما تتفرهدش و ما تشوفش صحابك .. ما قلناش ما تتفرجش في التلفزة و لكن علاش ديما نعطيو حق النفس و ننساو حق اللي خلق النفس ؟؟ علاش ما نتذكرو ربي كان دقيقة في النهار و نعديو حياتنا كاملة غافلين .. هو شهر في العام و بصالحك إنت ! باش ربي يغفرلك ، باش ربي يحميك ، باش ربي يفرهدك دنيا و آخرة .. 20 ركعة ماهمش طوال.. و طرح الرامي اللي يبدا التسعة ينجم يبدا العشرة .. هاذي بالجد الفرص اللي لازمها ما تضعيش .. راهو رمضان فرصة ما تتعاودش و ياعالم العام الجاي تبقا و إلا يتوفاك مولاك و ساعتها تتمنى لو إنك قهاوي الدنيا الكل تبدلها بركعة تراويح ..

سيدي النبي يقول "رب صائم ليس له من صيامه إلا الجوع و العطش" إن شاء الله ما نكونوش من ها الناس هاذم .. إن شاء الضمير اللي فينا يفيق شويا و لو لشهر من زمان ، خلينا نفسخو شويا من الذنوب .. باش نهار آخر نكونو من الآمنين .. باش وقت اللي نتعداو على جهنم الحمرا و العذاب اللي فيها ما يعرفو كان ربي نكونو متهنين ..

وفقني الله و إياكم لما يحب و يرضى .. و السلام عليكم و رحمة الله و بركاته
.

الرجوع الى أعلى الصفحة اذهب الى الأسفل
M!do●o

عضـــــو جديـــــــد


عضـــــو جديـــــــد


نقاطي : 14745
سمعتي : 10
تاريخ التسجيل : 13/09/2010

مُساهمةموضوع: رد: رمضان بالله لا تضيعوه بالقهوة و السهر   الإثنين سبتمبر 13, 2010 11:42 pm

شكرا لك
الرجوع الى أعلى الصفحة اذهب الى الأسفل
هلالييه

عضـــــو جديـــــــد


عضـــــو جديـــــــد


نقاطي : 11428
سمعتي : 10
تاريخ التسجيل : 24/06/2012

مُساهمةموضوع: رد: رمضان بالله لا تضيعوه بالقهوة و السهر   الأحد يونيو 24, 2012 2:21 am

شكرا لك
يعطيك الف عافيه
بس عندي استسفار
هذا المنتدى مجاني ولا لا
الرجوع الى أعلى الصفحة اذهب الى الأسفل
 
رمضان بالله لا تضيعوه بالقهوة و السهر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ๑۩۞۩๑ الاقســــام العامــــــه๑۩۞۩๑ :: روعه الشريعه والحياه-
انتقل الى: